Black Inn Dilijan․ ինչ իմանալ նախքան ամրագրելը

Տունը քանի՞ անձի համար է

Black Inn-ը նախատեսված է մինչև 15 գիշերակացով հյուրի համար։ Տունը հարմար է մի քանի ընտանիքով կամ ընկերներով միասին հանգստանալու համար։

Եթե նախատեսում եք նաև ցերեկային հյուրեր հրավիրել, տեղեկացրեք նախապես․ ընդհանուր 15 անձը գերազանցելու դեպքում գործում է հավելավճար։

Քանի՞ ննջասենյակ կա, և ինչպե՞ս են դասավորված քնելու տեղերը

Մեզ մոտ քնելու տեղերը դասավորված են հետևյալ կերպ․ ունենք 6 ննջասենյակ, որոնցից 5-ում դրված են երկտեղանի մահճակալներ, իսկ 6-րդում՝ 4 մեկտեղանի մահճակալ։

Ննջասենյակներից մեկում կա նաև բացվող բազմոց։

Կարող ենք տրամադրել 2 մանեժ՝ մինչև 4 տարեկան երեխաների համար։ Դրանց անհրաժեշտության մասին տեղեկացրեք նախապես։

Ամրագրելիս կարող ենք միասին քննարկել սենյակներով տեղավորումը՝ ձեր խմբի կազմին համապատասխան։

Քանի՞ սանհանգույց կա

Տանն առկա է 6 սանհանգույց, ինչը հատկապես հարմար է մեծ խմբով հանգստանալիս։

Տունն ամբողջությա՞մբ է տրամադրվում

Այո՛, Black Inn Dilijan-ը տրամադրվում է ամբողջությամբ՝ միայն ձեր խմբին։ Տունը, ընդհանուր տարածքներն ու հարմարությունները չեք կիսում այլ խմբերի հետ։

Լողավազանը ներառվա՞ծ է արժեքում, և տաքացվո՞ւմ է

Այո՛, փակ լողավազանից օգտվելը ներառված է տան վարձակալության արժեքում։

Ջրի ջերմաստիճանը պահպանում ենք մոտ 28–30°C, իսկ ֆիլտրացումն աշխատում է մշտապես։ Լողավազանը կարող եք վայելել նաև Դիլիջանի զով եղանակին։

Ռուսական շոգեբաղնիքը ներառվա՞ծ է

Այո՛, ռուսական շոգեբաղնիքից օգտվելը նույնպես ներառված է տան վարձակալության արժեքում․ դրա համար առանձին վճար չկա։

Դրսում տաղավար կա՞

Այո՛, տարածքում կա բացօթյա տաղավար, որտեղ կարող եք միասին հաց ուտել, զրուցել և ժամանակ անցկացնել մաքուր օդում։

Բուխարի կա՞, փայտ տրամադրո՞ւմ եք

Այո՛, տանն առկա է բուխարի, իսկ փայտը տրամադրում ենք մենք․ ձեզ հետ բերելու կարիք չկա։

Դիլիջանի զով երեկոներին կարող եք հավաքվել բուխարու շուրջ՝ մի բաժակ թեյով ու երկար զրույցներով։

Սրբիչներ, խալաթներ և մեկանգամյա պարագաներ տրամադրո՞ւմ եք

Այո՛, տրամադրում ենք սրբիչներ, խալաթներ և մեկանգամյա հիգիենիկ պարագաներ։

Ձեզ հետ վերցրեք լողազգեստը և անձնական անհրաժեշտ իրերը․ այս առօրյա մանրուքների մասին մենք արդեն հոգացել ենք։

Խորովածի շշեր և պատրաստելու պարագաներ կա՞ն

Այո՛, առկա են մանղալը, խորովածի շշերն ու պատրաստելու համար անհրաժեշտ պարագաները։ Ունենք նաև ուզբեկական կազան։

Կարող եք բերել ձեր նախընտրած մթերքները և տեղում կազմակերպել ընդհանուր ճաշը կամ ընթրիքը։

Սպասք և խոհանոցային պարագաներ կա՞ն

Այո՛, խոհանոցում առկա են պատրաստելու և սեղան գցելու համար անհրաժեշտ պարագաներն ու սպասքը։

Մեզ համար սպասքը պարզապես տարբեր ափսեների հավաքածու չէ։ Այն ընտրել ենք խնամքով ու ճաշակով՝ ուշադրություն դարձնելով որակին, գեղեցկությանը և համադրությանը։ Ուզում ենք, որ հաճելի լինի նաև սեղան գցելն ու դրա շուրջ հավաքվելը։

Տրամադրում ենք աղ, պղպեղ, ձեթ, շաքարավազ, երեք տեսակի սուրճ և խոտաբույսերով թեյ։

Սուրճի ապարատ կա՞

Այո՛, տանն առկա է սուրճի ապարատ, որպեսզի ձեր առավոտը սկսեք սիրելի սուրճով՝ առանց տնից դուրս գալու։

Սուրճը նույնպես տրամադրում ենք․ մնում է ընտրել ձեր բաժակն ու առավոտյան հանգստի անկյունը։

Աման լվացող մեքենա կա՞

Այո՛, խոհանոցում կա աման լվացող մեքենա։ Մեծ խմբով ճաշելուց հետո այն օգնում է ավելի քիչ ժամանակ տրամադրել կենցաղային գործերին և ավելի շատ՝ միասին հանգստանալուն։

Տունը ջեռուցվո՞ւմ է

Այո՛, Black Inn-ն ունի ջեռուցման համակարգ, որպեսզի Դիլիջանի ցուրտ օրերին տանը հարմարավետ լինի։ Տան ջերմությունը միայն բուխարիով չի ապահովվում։

Տունը հովացվո՞ւմ է

Այո՛, տանն առկա է նաև հովացման համակարգ՝ տաք օրերին հարմարավետ հանգստանալու համար։

Ինչպե՞ս ճշտել ազատ օրերն ու ամրագրման պայմանները

Գրեք մեզ WhatsApp-ով կամ Instagram-ով՝ նշելով ձեր նախընտրած օրերը, մեծահասակների ու երեխաների քանակը։ Կօգնենք ճշտել հասանելիությունը, արժեքը և տեղավորման մանրամասները։