Դիլիջանի զով առավոտ, տաք խաշ, ձեր սիրելի մարդիկ ու սեղան, որի շուրջ ոչ ոք չի շտապում։ Եթե ուզում եք խաշի հավաքույթը համատեղել ընկերներով կամ ընտանիքով հանգստի հետ, Black Inn-ում կարող եք կազմակերպել օրը ձեր նախընտրած ձևով։

Եկեք առավոտյան խաշ վայելելու և հետո շարունակեք հանգիստը, կամ ժամանեք նախորդ օրը, գիշերեք ու հաջորդ առավոտը սկսեք միասին՝ խաշի սեղանի շուրջ։

Նախ՝ խաշ, հետո՝ մի ամբողջ օր հանգստի համար

Այս տարբերակը նրանց համար է, ովքեր ցանկանում են հավաքույթը սկսել խաշով, իսկ հետո դեռ ժամանակ ունենալ զրուցելու ու հանգստանալու համար։

Հավաքվում եք ընդհանուր սեղանի շուրջ, վայելում խաշը և շարունակում օրը Black Inn-ում։ Հանգստի ընթացքում կարող եք օգտվել տաք լողավազանից ու ռուսական շոգեբաղնիքից, ժամանակ անցկացնել ձեր մարդկանց հետ և պարզապես վայելել միջավայրը։

Առավոտյան ժամանումն ու այս տարբերակի ժամերը նախապես համաձայնեցրեք մեզ հետ, քանի որ տան սովորական մուտքը 14։00-ից է։

Չոր լավաշը փշրում են խաշի ամանի մեջ, կողքին՝ կանաչի և պանիր Երկար փայտե սեղան՝ լավաշով, պանրով, երշիկով, ձիթապտղով, բանջարեղենով և ապակե ափսեներով

Նախ՝ հանգիստ, հաջորդ առավոտյան՝ խաշ

Եթե չեք ցանկանում վաղ առավոտյան ճանապարհ ընկնել, կարող եք գալ նախորդ օրը։

Տեղավորվել, օգտվել լողավազանից ու շոգեբաղնիքից, երեկոն անցկացնել բուխարու շուրջ, իսկ հաջորդ առավոտյան հավաքվել խաշի սեղանի մոտ։

Այս տարբերակի հաճույքը հենց պարզության մեջ է․ ձեր խումբն արդեն տեղում է, ճանապարհն անցած է, և առավոտը կարող եք նվիրել համեղ սեղանին ու զրույցներին։

Black Inn-ն ունի 6 ննջասենյակ և 6 սանհանգույց և նախատեսված է մինչև 15 գիշերակացով հյուրի համար։ Սովորական ելքը մինչև 12։00 է․ ավելի երկար մնալու հնարավորությունն ու պայմանները ճշտեք նախապես։

Ինչպե՞ս կազմակերպել խաշը Black Inn-ում

Խաշը կարող եք պատվիրել ռեստորանից։ Եթե ընտրության հարցում օգնություն է պետք, մենք կարող ենք առաջարկել ռեստորաններ, որոնց հետ կճշտեք պատվերի պայմանները։

Կարող եք նաև պատրաստի խաշը բերել ձեզ հետ և տեղում տաքացնել։

Black Inn-ում առկա են՝

  • խաշի գեղեցիկ ամաններ,
  • տաքացնելու և մատուցելու համար անհրաժեշտ խոհանոցային պարագաներ,
  • սեղան գցելու համար սպասք,
  • հագեցած խոհանոց և հավաքույթի համար հարմար միջավայր։
Խաշի փայտանման ամանների շարքեր գրանիտե սեղանին՝ խորովածի վառարանի մոտ Խաշի ամաններ և փոքր թասեր արևի լույսի տակ, գրանիտե սեղանին

Այսպես կարող եք ձեր նախընտրած խաշը վայելել առանձին տան հարմարավետության մեջ՝ առանց ամաններն ու խոհանոցային պարագաները տնից հավաքելու։

Խաշը տան վարձակալության արժեքում ներառված չէ․ այն պատվիրում կամ բերում եք առանձին։

Ինչո՞ւ խաշի հավաքույթ կազմակերպել հյուրատանը

Ամբողջ տունը միայն ձեր խմբինն է

Black Inn Dilijan-ը տրամադրվում է ամբողջությամբ՝ միայն ձեր խմբին։ Կարող եք ընտանիքով կամ ընկերներով հավաքվել ձեր միջավայրում և խաշի սեղանը դարձնել միասին անցկացրած օրվա մի մասը։

Հավաքույթը չի ավարտվում սեղանից վեր կենալով

Խաշից հետո պարտադիր չէ անմիջապես ճանապարհ ընկնել։ Նախապես համաձայնեցված ժամերի շրջանակում կարող եք շարունակել հանգիստը՝ զրուցել, հանգստանալ կամ ժամանակ անցկացնել տան տարբեր անկյուններում։

Լողավազանն ու շոգեբաղնիքը նույնպես ձեր հանգստի մասն են

Black Inn-ի փակ տաքացվող լողավազանն ու ռուսական շոգեբաղնիքը ներառված են տան վարձակալության արժեքում։ Լողավազանի ջուրը պահպանում ենք մոտ 28–30°C։

Կարող եք օգտվել հավելյալ սպասարկումից

Եթե ցանկանում եք սեղանի կազմակերպման ու հավաքելու հարցում օգնություն ունենալ, կարող եք նախապես պատվիրել հավելյալ սպասարկման ծառայություն։ Ծառայության ծավալն ու արժեքը համաձայնեցվում են առանձին։

Ի՞նչ ճշտել ամրագրելուց առաջ

Գրելիս նշեք ձեր նախընտրած օրը, հյուրերի քանակը և տարբերակը՝ առավոտյան ժամանումո՞վ, թե՞ նախորդ օրվա գիշերակացով։

Միասին կճշտենք տան հասանելիությունը, մուտքի ու ելքի ժամերը, արժեքը և հավելյալ սպասարկման անհրաժեշտությունը։ Եթե ռեստորանի առաջարկ է պետք, այդ հարցում էլ կօգնենք։

Իսկ եթե որոշեք մնալ մեկից ավելի գիշեր, մեզ մոտ գործում է նաև զեղչ․ դրա չափը ճշտեք ձեր ընտրած օրերի համար։