Ինչ անել Դիլիջանում, եթե բնության և եկեղեցիների սիրահար ես

Գոշավանք․ սկսեք ամենամոտ բացահայտումից

Գոշ գյուղում գտնվող Գոշավանքը լավ մեկնարկ է նրանց համար, ովքեր ուզում են համատեղել պատմությունն ու բնությունը։ Այստեղ կարելի է շրջել վանական համալիրում, ուսումնասիրել խաչքարերն ու քարերի զարդաքանդակները և վայելել շրջակա լեռների տեսարանները։

Black Inn-ում մնալիս Գոշավանք այցելությունը հեշտ է ներառել նույնիսկ կարճ հանգստի ծրագրում։ Կարող եք այցելել վանք, զբոսնել շրջակայքում և շարունակել օրը բնության մեջ։

Գոշի լիճ․ քայլարշավ կամ ամենագնացով արկած

Գոշավանք այցելելուց հետո բնության սիրահարների համար հաջորդ կանգառը կարող է լինել Գոշի լիճը։ Անտառի մեջ թաքնված այս լիճը հաճելի ուղղություն է քայլարշավի, լուսանկարելու և բնության հանգստությունը վայելելու համար։

Քանի որ Գոշավանքն ու Գոշի լիճը Black Inn-ի մոտակա ուղղություններից են, կարող եք դրանք համատեղել մեկ օրվա ծրագրում։

Իսկ եթե էքստրեմի և արկածների սիրահար եք, կազմակերպում ենք նաև ամենագնացներով տուր դեպի Գոշի լիճ։ Անտառային ճանապարհն այս դեպքում դառնում է ճանապարհորդության հետաքրքիր մասը։ Տուրի մանրամասները կարող եք մեզ հետ համաձայնեցնել նախապես՝ ձեր հանգիստն ամրագրելիս։

Դիմաց լեռ․ երբ ուզում եք ավելի արկածային օր

Եթե ցանկանում եք անտառային զբոսանքից անցնել բաց լեռնային տեսարանների, արժե դիտարկել Դիմաց լեռը։ Նրա տպավորիչ ժայռերն ու շրջակա լեռների տեսարանները հնարավորություն են տալիս Դիլիջանի շրջակայքը տեսնել այլ անկյունից։

Black Inn-ում կազմակերպում ենք տուր դեպի Դիմաց լեռ՝ նախնական պայմանավորվածությամբ։ Կարող եք մեզ հետ քննարկել երթուղին և ձեր խմբին համապատասխան ծրագիրը։ Սա լավ տարբերակ է, եթե ուզում եք հանգստին ավելացնել մի օր՝ լի բնությամբ ու նոր տպավորություններով։

Թաքնված ջրվեժ․ անտառային բացահայտում

Հաղարծնի շրջակայքի Թաքնված ջրվեժը ևս մեկ ուղղություն է անտառային զբոսանքների սիրահարների համար։ Դեպի այն տանող ճանապարհը հնարավորություն է տալիս վայելել ոչ միայն ջրվեժը, այլև շրջակա բնությունը։

Այցելությունը կարող եք քննարկել մեզ հետ՝ տուրի ծրագիրը կազմելիս։ Երթուղին ընտրելիս հաշվի են առնվում եղանակն ու խմբի պատրաստվածությունը։ Եթե ցանկանում եք համատեղել ջրվեժն ու Դիմաց լեռը, նախապես ճշտեք այդ տարբերակի հնարավորությունը։

Էլ որտե՞ղ արժե գնալ Դիլիջանում

Եթե մի քանի օրով եք եկել, ծրագրում կարող եք ներառել նաև՝

• Հաղարծնի վանք՝ անտառապատ լեռների մեջ գտնվող վանական համալիր, որտեղ բնությունն ու հայկական ճարտարապետությունը լրացնում են միմյանց։
• Պարզ լիճ՝ անտառային միջավայրում զբոսնելու և լճի շուրջ ժամանակ անցկացնելու համար։
• Մաթոսավանք և Ջուխտակ վանքեր՝ եթե սիրում եք անտառային քայլարշավն ավարտել պատմական վայրում։

Ավելի հաճելի կլինի ընտրել օրական մեկ կամ երկու ուղղություն, որպեսզի ժամանակ մնա նաև ճանապարհը, տեսարաններն ու կանգառները վայելելու համար։ Քայլարշավների համար ընտրեք հարմար կոշիկներ և նախապես ճշտեք երթուղու պայմանները։

Բացահայտումներից հետո՝ վերադարձ Black Inn

Քայլարշավից կամ լեռնային տուրից հետո կարող եք վերադառնալ Black Inn՝ տաքացվող լողավազան, շոգեբաղնիք ու բուխարու մոտ անցկացրած երեկո։ Լողավազանից և շոգեբաղնիքից օգտվելը ներառված է տան վարձակալության մեջ։